2 красавіка, у вігілію Нядзелі Божай Міласэрнасці, у мінскім архікатэдральным касцёле Імя Найсвяцейшай Панны Марыі і ў катэдральным касцёле Унебаўзяцця Найсвяцейшай Панны Марыі і св. Станіслава ў Магілёве адбудзецца святкаванне Юбілейнага Года ў Мінска-Магілёўскай архідыяцэзіі.

Удзел у ім прымуць тыя, хто здзяйсняе справы міласэрнасці — дабрачынная арганізацыя «Карытас» Мінска-Магілёўскай архідыяцэзіі, каталіцкая місія «Чыстае сэрца», сёстры Міласэрнасці св. Вінцэнта дэ Поля, «Легіён Марыі», Місія Маці Божай Фацімскай.

Праграма святкавання ў Мінску:

• 9.00 – прывітанне ўдзельнікаў і кароткая прэзентацыя дзейнасці каталіцкіх арганізацый дапамогі
• 9.40 – адарацыя Найсвяцейшага Сакрамэнту; спеў з малітвай у інтэнцыі тых, хто здзяйсняе справы міласэрнасці; аднаўленне абяцанняў «Легіёна Марыі» на вернасць Маці Божай
  
• 11.00 – святая Імша, якую ўзначаліць дапаможны біскуп Мінска-Магілёўскай архідыяцэзіі Юрый Касабуцкі
  
• 12.00 – заканчэнне

Праграма святкавання ў Магілёве:

• 11.00 — святая Імша, якую ўзначаліць кс. Віталій Драздоўскі, дэкан Магілёўскі.  Пасля Імшы правяде канферэнцыю кс. Віталій Чабатар CMF
  

(AYU)