30 красавіка ў Вышэйшай духоўнай семінарыі ў Гродне (вул. Парыжскай Камуны, 1) адбудзецца сустрэча работнікаў сферы аховы здароўя Гродзенскай дыяцэзіі.

У мэтах аб'яднання і паглыблення далейшага хрысціянскага фарміравання на сустрэчу запрашаюцца ўсе медыцынскія работнікі ў бальніцах і розных медыцынскіх установах дыяцэзіі.

Сустрэча пройдзе пад дэвізам «Будзьце міласэрныя, як і Айцец ваш міласэрны».

«Вельмі прашу вас прыехаць, каб сустрэцца разам і даверыць Пану Езусу, Лекару нашых душаў і целаў, свае служэнне іншаму чалавеку», – заклікае біскуп Гродзенскі Аляксандр Кашкевіч.

Праграма сустрэчы:

• 9.30 – рэгістрацыя ўдзельнікаў
• 10.00 – прывітанне ўдзельнікаў (кс. Віталій Сідорка, душпастыр службы аховы здароўя г. Гродна)
• 10.15 – «Міласэрнасць у служэнні бліжнім» (а. Аляксандр Махнач SP, вікарый парафіі Унебаўзяцця Найсвяцейшай Панны Марыі ў Лідзе)
• 10.45 – перапынак
• 11.30 – «Эмацыйныя аспекты ў медыцынскай практыцы» (Аляксандра Янкоўская, урач-псіхатэрапеўт, асістэнт кафедры псіхіятрыі і наркалогіі Гродзенскага дзяржаўнага медыцынскага ўніверсітэта) 
• 12.30 – святая Імша (дапаможны біскуп Гродзенскай дыяцэзіі Юзаф Станеўскі)
• 13.30 – 14.15 – абед
• 14.15 – экскурсія па катэдральнай базыліцы св. Францішка Ксаверыя
• 15.00 – малітва ў катэдральнай базыліцы (Вяночак да Божай Міласэрнасці)
• 15.30 – «Сістэма аказання паліятыўнай дапамогі цяжкахворым дзецям: вынікі і перспектыва развіцця» (Вольга Шульга, дырэктар Гродзенскага дзіцячага хоспіса)
• 16.15 – перапынак
• 16.30 – «Як дапамагчы залежнаму чалавеку? Дзе мяжа паміж міласэрнасцю і сузалежнымі паводзінамі, дапамогай і памылкай?» (Юрый Гапонік, кансультант тэрапіі залежнасцяў аддзялення рэабілітацыі для асобаў з залежнасцямі ГАКЦ «Псіхіятрыя – наркалогія»
• 17.30 – малітва і заканчэнне сустрэчы

Сустрэча арганізуецца Душпастырствам службы аховы здароўя Гродзенскай дыяцэзіі.

Па пытаннях удзелу і запісу ўдзельнікаў звяртацца да душпастыра медработнікаў Гродзенскай дыяцэзіі ў г. Гродна кс. Віталія Сідоркі:

8029 589 49 94 (МТС), e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

(AG)