Існуе магчымасць прыняць удзел у малітоўным чуванні і святой Імшы 30-31 ліпеня з Папам Францішкам у Кракаве для тых, хто не мае рэгістрацыі. Арганізатары прадугледзелі спецыяльныя білеты, якія трэба замовіць да 9 ліпеня.

Як паведамляюць арганізатары Cусветных дзён моладзі ў Кракаве, існуе магчымасць атрымання квіткоў незарэгістраваным удзельнікам Дзён моладзі.

Па квітках можна будзе ўвайсці на плошчу, дзе пройдзе чуванне «Campus misericordiae» (у Вялічцы каля Кракава), 30 і 31 ліпеня. Папа Францішак 30 ліпеня будзе прымаць удзел у малітоўным моладзевым чуванні, а 31 ліпеня ўзначаліць святую Імшу.

Арганізатары просяць усіх, хто жадае прыняць удзел у падзеях Сусветных дзён моладзі, да 9 ліпеня замовіць квіткі, даслаўшы заяўку на электронную пошту:

Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript .

Пры гэтым трэба ўказаць:

• колькасць квіткоў паасобна на кожнага чалавека;
• сродак транспарту групы ўдзельнікаў (аўтобус, цягнік, аўтамабіль);
• iмя і прозвішча асобы, электронную пошту і адрас карэспандэнцыі, на які будуць дасланы квіткі.

Для ўдзельнікаў з Беларусі наяўнасць візы абавязковая. Даезд і прыезд трэба арганізаваць прыватна.

Кс. Антоні Грэмза

Каардынатар Сусветных дзён моладзі ў Беларусі