7-8 жніўня ў Ракаве (Валожынскі р-н) пройдзе традыцыйнае святкаванне парафіяльнай ўрачыстасці св. Дамініка — апекуна парафіі. Запрашаюцца ўсе жадаючыя.

У ракаўскай парафіі штогод велічна адначаецца гэтая ўрачыстасць. Парафіяне і госці моляцца аб патрэбных ласках праз заступніцтва святога Дамініка.

Таксама ў гэтыя дні ў ракаўскай святыні можна ўшанаваць старадаўні абраз святой Марыі Магдалены. Гэты абраз, зніклы з касцёла ў савецкія часы, цудоўным чынам вярнуўся на сваё месца. Пасля грунтоўнай рэстаўрацыі абраз выстаўлены для публічнай адарацыі, каб можна было зблізку ўбачыць прыгожы твор мастака і памаліцца праз заступніцтва св. Марыі Магдалены. Пасля абраз будзе змешчаны ў бакавым алтары святыні.

Праграма ўрачыстасцяў

7 жніўня

10.00 — святая Імша, якую ўзначаліць дапаможны біскуп Мінска-Магілёўскай архідыяцэзіі Аляксандр Яшэўскі SDB. Пасля Імшы эўхарыстычная працэсія вакол святыні.
12.00 — канцэрт арганнай і вакальнай музыкі ў выкананні арганіста Юрыя Габруся і мецца-сапрана Кацярыны Крашчук (уваход вольны)
15.00 — святая Імша на польскай мове

8 жніўня

10.00 і 18.00 — святая Імша ў гонар святога Дамініка
Перад кожнай святой Імшой будзе магчымасць прыступіць да сакрамэнту пакаяння.

(AG)