Хлопцы ад 13 гадоў, якія хочуць паразважаць над тым, да чаго іх кліча Бог, асабліва над салезіянскім пакліканнем, запрашаюцца прыняць удзел у лагеры аб пакліканнях пад назвай «РroVocatio». Акцыя адбудзецца з 16 па 25 жніўня ў в. Вайнідзеняты (Гродзенская вобл., Смаргонскі р-н).

Удзельнікам трэба мець:

• Біблію
• Блакнот і ручкy
• Неабходныя лекі
• Спальнік і карымат
• Адзенне: цёплае, спартыўнае, для святой Імшы.
• Плаўкі
• Сродкі асабістай гігіены
• Ліхтарык
• Кішэнны ножык
• Дажджавік
• Посуд (талерку, лыжку, відэлец, кубак)
• Анкету

Таксама трэба прачытаць з Бібліі Кнігу Зыходу.

Удзельнікаў чакае разважанне над пакліканнем да святарскага і манаскага жыцця, святая Імша, гульні, гурткі, адпачынак.

Запіс у свайго пробашча альбо адказнага за араторый да 11 жніўня. Абавязкова запоўніць анкету (да 18 гадоў — запаўняюць бацькі).

Дадатковая інфармацыя ў мясцовых салезіянаў альбо па тэлефоне:

+375 29 122 32 44 кс. Алег SDB

Паводле sdb.by

(AG)