Семінар, які пройдзе з 3 па 10 лістапада, арганізоўваецца парафіяй Святога Міхала Арханёла ў Навагрудку супольна з мясцовымі ўладамі. Галоўная мэта форуму, як паведаміў кс. Юрый Жэгарын, — «праз тых, ад каго шмат залежыць — а гэта, між іншым, педагогі, урачы, сацыяльныя работнікі, — давесці да свядомасці грамадства, што жыццё чалавека каштоўнае ад зачацця да натуральнай смерці, што сямейныя каштоўнасці — гэта сапраўднае багацце».

У праграме семінара — лекцыі для медыкаў, педагогаў і сацыяльных работнікаў, майстар-класы, выстаўка на тэму абароны жыцця, выязныя семінары па школах Навагрудка і раёна, круглы стол з падвядзеннем вынікаў.

У мерапрыемстве будзе прымаць удзел каманда дабрачыннага пралайф-фонда «Адкрытыя сэрцы» з Магілёва.

Сустрэчы з медыкамі і педагогамі будзе праводзіць урач Людміла Баракава, акушэр-гінеколаг вышэйшай катэгорыі, інструктар метаду распазнавання плоднасці (Расія).

Праграма

3-4 лістапада — агульная тэма для педагогаў, медыцынскіх і сацыяльных работнікаў

• «Беларуская сям’я сёння. Актуальныя пытанні дэмаграфіі. Абарона жыцця ў сям’і ў Беларусі»

5 лістапада — 1 дзень семінара

• 11.00 — прывітальнае слова. Знаёмства. Прэзентацыя выстаўкі «Два шляхі: што выбіраеш ты?»
• 12.00 — «Наступствы сексуальнай рэвалюцыі. Ці магчыма сёння гаварыць пра нявіннасць?» (прычыны захаваць нявіннасць да шлюбу)
• 13.00 — «Дэмаграфічны крызіс у свеце і ў Беларусі» (адмаўленне ад нараджэння дзяцей)
• 14.00 — абед
• 15.00 — «Грамадзянскі шлюб або “пробная сям’я”». Пытанні статыстыкі і псіхалогіі
• 16.00 — «”Інгрэдыенты” сямейнага шчасця»
• 17.00–17.20 — перапынак на каву
• 17.20 — «Праўда пра кантрацэпцыю»
• 18.00 — «Метад распазнавання плоднасці. Экалогія сужэнства»

6 лістапада — 2 дзень семінара

• 10.30 — рэфлексія
• 11.00 — «Цуд жыцця: развіццё дзіцяці ад зачацця да нараджэння. Быць або не быць (аборт)?»
• 12.00 — «Штучнае апладненне: статыстыка, прычыны і наступствы»
• 13.00 — «Гендар: 50 адценняў безразважнасці. Наступствы прапаганды гендарнай ідэалогіі ў свеце»
• 14.00 — абед
• 15.00 — «Пытанні эўтаназіі і сучаснай еўгенікі. Досвед і перспектывы»
• 16.00 — «Асаблівыя дзеці — асаблівы дар»
• 17.00–17.20 — перапынак на каву
• 18.00 — «Фемінізм: эмансіпацыя шчасця. Айцоўства: шляхі выйсця з крызісу»

7 лістапада — 3 дзень семінара

• 11.00 — разгляд практычных пытанняў па чытанні лекцый. Псіхалагічная падрыхтоўка. Уменне весці дыялог. Аратарскія сакрэты. Дрэс-код
• 12.00 — дзейнасць Фонда. Семінары і акцыі. Матэрыялы
• 13.00 — падвядзенне вынікаў. Дзяленне досведам
• 14.00 — абед

8–9 лістапада

• Прэзентацыя выстаўкі «Два шляхі: што выбіраеш ты?» і лекцыі ў школах для навучэнцаў.

10 лістапада

• Круглы стол

У праграме магчымы змены.

Запіс на семінар па тэлефонах:
+375 29 306-22-22 (velcom)
+375 33 306-22-22 (МТС)
Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript

(VGr)