5 лістапада пройдзе святкаванне Юбілейнага Года з удзелам малітоўных рухаў і супольнасцяў Магілёўскага рэгіёна. Сустрэча пад дэвізам «Супольнасць — месца праявы Міласэрнага Бога» распачнецца ў 11.00 у магілёўскай катэдры.

Запрашаюцца душпастыры і ўдзельнікі малітоўных рухаў Жывога Ружанца, Маці ў малітве, Клуба каталіцкай інтэлігенцыі, групы бл. Баляславы Лямэнт, трэці дамініканскі ордэн свецкіх, трэці францішканскі ордэн свецкіх і трэці кармэліцкі ордэн свецкіх.

Праграма:

• 11.00 — урачысты ўваход у катэдру праз Брамы Божай Міласэрнасці
• 11.15 — Літургія Гадзінаў
• 11.30 — даклад «Супольнасць як месца праявы Міласэрнага Бога» (а. Раман Шульц ОР)
• 12.00  — адарацыя Найсвяцейшага Сакрамэнту
• 13.00 — урачыстая святая Імша (узначаліць біскуп Аляксандр Яшэўскі SDB, біскупскі вікарый Магілёўскага рэгіёна).

(VGr)