9 мая з Пінска вырушыць традыцыйная пешая пілігрымка ў Лагішын, да санктуарыя Маці Божай, Каралевы Палесся. Сёлета ў Лагішыне адзначаюць 20-ю гадавіну каранацыі цудадзейнага абраза Каралевы Палесся, якая была здзейснена з благаслаўлення святога Яна Паўла ІІ. Кароны на абраз усклаў кардынал Казімір Свёнтэк 10 мая 1997 года.

Ужо больш за 25 гадоў у аднадзённай пілігрымцы ў Лагішын бяруць удзел не толькі вернікі з пінскіх парафій, але і з розных куткоў Палесся і ўсёй Беларусі. Апошнія гады да Маці Божай, Каралевы Палесся, пешшу ідуць таксама навучэнцы і выкладчыкі Міждыяцэзіяльнай вышэйшай духоўнай семінарыі ў Пінску. Для многіх вернікаў гэтая маёвая пілігрымка становіцца «адкрыццём паломніцкага сезона».

Выхад — у 8.00 ад катэдральнага касцёла ў Пінску. Завершыцца аднадзённая пілігрымка ўрачыстай св. Імшой у санктуарыі Маці Божай у Лагішыне ў 18.00.

Падрабязная інфармацыя па тэлефоне:
+ 375 (29) 527-52-95 кс. Дзмітрый

(VGr)