Семінар для абаронцаў жыцця і сям'і пройдзе ў Мінску (+праграма) |
Анонсы
|
06.06.2017 17:57 |
Семінар у форме майстар-класа для абаронцаў жыцця і сямейных
каштоўнасцей пройдзе 9-11 чэрвеня ў мінскім касцёле свв. Сымона і Алены
(Чырвоны). У праграме семінара — падрыхтоўка да правядзення лекцый у
абарону жыцця і сям'і, павышэнне кваліфікацыі тых лектараў, якія ўжо
працуюць у сферы абароны жыцця. Мерапрыемства пройдзе разам з экспазіцыяй перасовачнай выстаўкі ў абарону жыцця «Ёсць два шляхі: шлях жыцця і шлях смерці». Выстаўка складаецца з 20 стэндаў і суправаджаецца мультымедыйнымі прэзентацыямі. Выстаўка прызначана найперш для моладзі ад 15 да 25 гадоў.
Семінар будуць праводзіць доктар тэалогіі і інструктар метаду распазнавання плоднасці Уладзіслаў Валаховіч, псіхолаг і педагог, тэолаг Іван Пузанаў, настаўнік метаду распазнавання плоднасці, інструктар школы натуральнага нараджэння педагог Наталля Пузанава, акушэрка і псіхолаг Вольга Чаркасава. У працэсе семінара па запытах ўдзельнікаў у праграме магчымыя змены.
9 чэрвеня (пятніца)
- 18.00 — Знаёмства. Прэзентацыя выставы «Два шляхі: што абярэш ты?» (Іван Пузанаў)
- 19.00 — Грамадзянскі шлюб або «пробная сям'я» (Іван Пузанаў)
- 20.00 — Дэмаграфія, глабалізм і знішчэнне сям'і (Уладзіслаў Валаховіч)
10 чэрвеня (субота)
- 10.00 — Рэфлексія
- 11.00 — Штучнае апладненне (статыстыка, прычыны і наступствы) (Наталля Пузанава)
- 12.00 — Гендар. Вытокі і наступствы прапаганды гендэрнай ідэалогіі ў свеце (Уладзіслаў Валаховіч)
- 13.30 — Дзеці і інфармацыя. Методыка абароны ад немаральнасці (Надзея Шарко)
- 14.00 — Перапынак
- 15.00 — Праўда аб кантрацэпцыі (Вольга Чаркасава, Уладзіслаў Валаховіч)
- 16.00 — Метад распазнавання плоднасці. Экалогія сужэнства (Уладзіслаў Валаховіч)
- 17.00 - 17.20 — Кава-паўза
- 17.20 — Фемінізм: эмансіпацыя шчасця. Айцоўства (шляхі выхаду з крызісу) (Уладзіслаў Валаховіч)
- 18.30 — 12 прычын нарадзіць яшчэ аднаго (Іван Пузанаў)
11 чэрвеня (нядзеля)
- 10.00 — Наступствы сексуальнай рэвалюцыі. Ці магчыма сёння казаць пра цнатлівасць?
(Прычыны захаваць цнатлівасць да шлюбу) (Вольга Чаркасава) - 11.00 — Пытанні эўтаназіі і сучаснай еўгенікі (Наталля Пузанава)
- 12.00 — Асаблівыя дзеці — асаблівы дар (Іван Пузанаў)
- 13.00 — Выніковая рэфлексія. Абмен досведам
(prolife-belarus.org/cath)
|