У той час:

Але Езус, даведаўшыся, пайшоў адтуль. І пайшло за Ім следам шмат людзей, і Ён аздаравіў усіх. Але забараніў ім расказваць пра сябе, каб збылося сказанае прарокам Ісаем: 

Вось слуга Мой, якога Я выбраў, 

умілаваны Мой, якога ўпадабала душа Мая. 

Ускладу дух Мой на Яго, 

а Ён абвесціць суд народам. 

Не будзе пярэчыць і лямантаваць, 

і не пачуе ніхто на плошчах голасу Яго. 

Трысціны надламанай не пераломіць, 

і кнота, які тлее, не пагасіць, 

пакуль не давядзе суд да перамогі. 

І ў імені Ягоным народы будуць мець надзею.