Гэта архіў старой версіі сайта. Новая версія знаходзіцца па адрасе catholic.by
| Падсвілле — парафія Найсвяцейшага Сэрца Езуса |
Адрас: Глыбоцкі р-н
dЗ гісторыі парафіі Першы, драўляны, касцёл у Падсвіллі быў пабудаваны ў 1930 г. Святую Імшу адпраўляў прыязджаючы сюды кс. Міхал Бобрык з Бабрушчыны. У 1937 г. у Падсвіллі была ўтворана парафія Найсвяцейшага Сэрца Езуса. Душпастырам у той час быў кс. Сладзінскі, а з 1940 г. тут працаваў кс. Макрэцкі. У 1946 г. касцёл зачынілі і зрабілі з яго спачатку клуб, пасля – збожжасховішча, а потым – склад для ільнофабрыкі. Католікі ездзілі ў касцёл у Задарожжа альбо Глыбокае. У 1984 г. святыня была зруйнаваная ўшчэнт. Да таго часу, як у Падсвіллі распачалося будаўніцтва святыні, вернікі паставілі крыж на адной з вуліц і маліліся каля яго. Пасля ўлады выдзелілі пакой у дзіцячым садку, але там было надта цесна. Тады купілі будынак, у якім калісьці была крама, і зрабілі капліцу. У 2000 г. пачалося будаўніцтва касцёла. У 2004 г. новую святыню накрылі дахам і ў ёй пачаліся ўнутраныя работы. 30 ліпеня 2011 г. адбылося асвячэнне святыні. Католікаў у Падсвіллі і наваколлі — каля тысячы, практыкуючых — каля 300 чалавек. На мясцовых каталіцкіх могілках пахаваны, магчыма, апошні ўдзельнік паўстання 1863-1864 гг. Міхал Фалькоўскі (1839-1930). |
||
| Адноўлена 11.10.2016 15:58 |
для друкуПры выкарыстанні матэрыялаў сайта спасылка на Catholic.By абавязкова.
