Расклад калядных трансляцый на каналах беларускага тэлебачання

Анонсы

21.12.2010 13:51

У гэтыя выхадныя католікі ўсяго свету адзначаюць свята Божага Нараджэння. Па добрай традыцыі, асноўныя святочныя набажэнствы з Беларусі і Ватыкана будуць трансліравацца і на каналах беларускага тэлебачання. 24 снежня (пятніца) 21.45 — прамая трансляцыя ўрачыстага набажэнства ў вігілію Нараджэння Пана з касцёла Узвышэння Святога Крыжа ў Вілейцы (БТ); 23.55 — прамая трансляцыя ўрачыстай святой Імшы з Ватыкана, якую ўзначаліць Святы Айцец Бэнэдыкт XVI (БТ) 25 снежня (субота) 07.15 — тэлеперадача «Існасць», прысвечаная традыцыям падрыхтоўкі і святкавання Божага Нараджэння ў Каталіцкім Касцёле (БТ); 08.50 — каляднае віншаванне Мітрапаліта Тадэвуша Кандрусевіча (БТ); 16.40 — трансляцыя каляднага паслання  Святога Айца «Urbi et orbi» («Гораду і свету») (Лад). Жадаем прыемнага прагляду!