5 сакавіка прыпадае 15-я гадавіна беатыфікацыі благаслаўлёных сясцёр назарэтанак, мучаніц з Навагрудка. 5 сакавіка 2000 года ў Рыме ў Год юбілею хрысціянства Папа Ян Павел ІІ абвясціў 11 назарэтанак з Навагрудка благаслаўлёнымі.

Кангрэгацыя Сясцёр Найсвяцейшай Сям’і з Назарэта (назарэтанкі) запрашае ўсіх далучыцца да супольнай малітвы падзякі за благаслаўлёных нашых земляў.

Урачыстасці з гэтай нагоды адбудуцца:

• 5 сакавіка — у рэктаральным касцёле Перамянення Пана ў Навагрудку. Імша пройдзе ў 12.00.

• 8 сакавіка — у катэдральным касцёле св. Францішка Ксаверыя ў Гродне. Імша пройдзе ў 12.00. Таксама ў гэты дзень у гродзенскай катэдры сёстры назарэтанкі пасля кожнай святой Імшы будуць выступаць з невялікімі дакладамі пра жыццё і святасць 11 сясцёр назарэтанак.

Больш пра сясцёр-мучаніц можна пачытаць ТУТ

11 сясцёр назарэтанак былі расстраляны фашыстамі падчас вайны 1 жніўня 1943 г. у лесе каля Навагрудка. Манахіні аддалі сваё жыццё за бацькаў сем’яў і мясцовага святара кс. Аляксандра Зянкевіча.

(JM)