18 і 19 cнежня ў гродзенскім мікрараёне Альшанка ў новазбудаванай капліцы пройдуць першыя ў гісторыі парафіі адвэнтавыя рэкалекцыі.

Па запрашэнні пробашча кс. Паўла Салабуды духоўныя практыкаванні для парафіянаў правядзе кс. Ян Раманоўскі, які адмыслова прыедзе з Іспаніі, дзе вучыцца ва ўніверсітэце ў Пампелуне.

Як адзначыў кс. Павел Салабуда, мэтай рэкалекцый стане «ўзмацненне духоўнага фундаменту маладой парафіі, а таксама падрыхтоўка вернікаў да перажывання “двух” Божых Нараджэнняў». «Першае нараджэнне Езуса ў нашай парафіі адбудзецца 20 снежня падчас асвячэння капліцы, а другое — 25 снежня», — патлумачыў святар.

20 снежня біскуп Гродзенскі Аляксандр Кашкевіч у прысутнасці дапаможнага біскупа Юзафа Станеўскага, святароў і вернікаў асвеціць новую капліцу для вернікаў у мікрараёнах Альшанка і Фабрычны.

План рэкалекцый:

18 cнежня

• 8.00 – святая Імша з агульнай навукай
• 9.30 – святая Імша з навукай для дзяцей
• 11.00 – наведванне хворых у парафіі
• 17.00 – святая Імша з навукай для дзяцей
• 19.00 – святая Імша з агульнай навукай
• 20.00 – спецыяльная навука для мужчын

19 cнежня

• 08.00 – святая Імша з агульнай навукай
• 15.00 – адвэнтавая сустрэча з дзецьмі парафіі
• 17.00 – святая Імша з навукай для дзяцей
• 19.00 – святая Імша з агульнай навукай
• 20.00 – спецыяльная навука для жанчын

 20 cнежня

• 11.00 – урачыстасць асвячэння капліцы

(IL)