IV чэмпіянат па міні-футболе сярод каталіцкіх святароў Беларусі пройдзе 28 снежня ў Ашмянах. Гродзенская дыяцэзія прымае чэмпіянат ужо ў другі раз.

Як распавёў Catholic.by адзін з арганізатараў турніру кс. Павел Салабуда, у спаборніцтвах прымуць удзел шэсць каманд: па адной з кожнай дыяцэзіі, а таксама асобныя каманды семінарыстаў з Гродна і Пінска.

Таксама па тэме: Як праходзіў ІІІ чэмпіянат па міні-футболе ў Маладзечне ў 2014 г.

Распачнецца турнір святой Імшой у 12.00 у ашмянскай парафіі Св. Міхала Арханёла.

Ашмяны стануць чацвёртым горадам пасля Ліды (2012), Лепеля (2013) і Маладзечна (2014), у якім адбудзецца чэмпіянат. Дзеючы чэмпіён турніру — каманда святароў Гродзенскай дыяцэзіі, якая выйгравала чэмпіянат тры гады запар з моманту яго першага правядзення.

Ілья Лапато