7-9 мая адбудуцца Дні моладзі Гродзенскай дыяцэзіі. У гэтым годзе ўдзельнікаў будзе прымаць парафія Маці Божай Тройчы Цудоўнай у Мастах, а таксама памежныя з ёй парафіі ў Росі, Воўпе, Мікелеўшчыне, Правых Мастах.

На Дыяцэзіяльныя дні моладзі запрашаюцца вучні школ, прафесійных навучальных устаноў, студэнты вышэйшых навучальных устаноў. Дэвіз сёлетняй сустрэчы — «Пакліканыя быць прыладамі Божай міласэрнасці».

Біскуп Гродзенскі Аляксандр Кашкевіч заахвочвае моладзь па меры магчымасцяў прыняць удзел у сёлетніх Дыяцэзіяльных днях моладзі, якія будуць часам падрыхтоўкі перад Сусветнымі днямі моладзі ў Кракаве.

У мінулым годзе Дні моладзі Гродзенскай дыяцэзіі праходзілі ў парафіі Св. Міхала Арханёла ў Смаргоні. Дні моладзі Гродзенскай дыяцэзіі бяруць свой пачатак у 1993 годзе, калі біскуп Аляксандр Кашкевіч па прыкладу Святога Айца Яна Паўла ІІ вырашыў прысвяціць асаблівую ўвагу выхаванню маладых вернікаў. Першы з’езд моладзі прайшоў у маі 1993 г., і з таго часу штогод каталіцкая моладзь з усёй дыяцэзіі збіраецца на сумесную сустрэчу і малітву.

Падрабязную інфармацыю наконт удзелу можна будзе атрымаць у сваіх пробашчаў і душпастыраў моладзі.

Праграма Дыяцэзіяльных дзён моладзі:

7 мая

• 15.00 – рэгістрацыя і рассяленне 
• 18.00 – прывітанне ўдзельнікаў і адарацыя Найсвяцейшага Сакрамэнту 
• 18.30 – святая Імша  
• 20.00 – вячэра (пры касцёле) 
• 20.40 – канферэнцыя «Шчаслівыя міласэрныя, бо яны міласэрнасць спазнаюць» 
• 21.10 – канцэрт  
• 22.15 – вячэрняя малітва і благаслаўленне. Раз’езд у парафіі на начлег

• 9.00 – ранішнія малітвы ў парафіях 
• 10.30 – катэхеза ў катэхезах (праца ў групах на тэму ўчынкаў міласэрнасці для душы і цела)
• 12.00 – вынікі катэхез 
• 13.00 – святая Імша 
• 14.30 – абед
• 15.30 – Вяночак да Божай Міласэрнасці 
• 15.45 – прэзентацыя моладзевых груп і размова з цікавымі людзьмі  
• 18.00 – вячэра (пры касцёле) 
• 19.30 – эўхарыстычная адарацыя і сакрамэнт пакаяння
• 21.00 – канцэрт 
• 22.15 – вячэрняя малітва і благаслаўленне. Раз’езд у парафіі на начлег

• 9.00 – ранішнія малітвы ў парафіях 
• 10.30 – святая Імша 
• 11.30 – канцэрт праслаўлення. Заканчэнне 

• узрост ад 16 гадоў (для малодшых неабходны старэйшы апякун)
• рэлігійныя намеры
• абавязкова спальнік і дыванок
• сродкі гігіены і рэкамендаваныя лекі
• абавязкова ўласныя кубак, лыжка і міска
• асабісты ўзнос 30 000 руб. (існуе магчымасць вызвалення ад узносу)

Пробашч парафіі павінен вызначыць адказнага за групу (маб. тэл. і ўзрост), а таксама прадставіць дакладны спіс удзельнікаў (імя, прозвішча, узрост, населены пункт).

Падчас удзелу ў сустрэчы будзе магчымасць прадставіць прэзентацыю сваёй групы на тэму «Мы прылады Божай Міласэрнасці» (5-7 хвілін).

Паведаміць аб удзеле групы неабходна да 30 красавіка:  

• у Мастах – ксяндзу Віктару Ханько (маб. тэл. 8029 586 39 16)
• у Гродне – ксяндзу Антонію Грэмзу (0152 740 07 34; маб. тэл. 8029 632 43 73)
• у Ваўкавыску – ксяндзу Дзмітрыю Леўчыку (маб. тэл. 8029 285 83 50)

Прыезд і ад’езд – уласным транспартам, аўтобусамі і цягніком.

Святароў біскуп Аляксандр Кашкевіч просіць абвясціць аб Дыяцэзіяльнай сустрэчы моладзі падчас нядзельных аб’яў на працягу некалькі тыдняў (10.04; 17.04, 24.04), каб як мага больш моладзі магло даведацца аб сёлетняй сустрэчы.

«Маладых людзей, зацікаўленых удзелам, трэба пазнаёміць з умовамі ўдзелу і дапамагчы дабрацца на сустрэчу. Асабліва прашу дапамагчы дабрацца моладзі з тых парафіі, якая не мела магчымасці ўдзелу ў сустрэчах моладзі ў папярэднія гады», — дадае біскуп.

Чытайце таксама:

• як праходзілі Дыяцэзіяльныя дні моладзі ў 2015 годзе?

(AG), (IL)