4-6 сакавіка ў шэрагу касцёлаў Беларусі будзе праходзіць малітоўная акцыя «24 гадзіны для Пана» — аднадзённая адарацыя Найсвяцейшага Сакрамэнту, прымеркаваная да Года Міласэрнасці.

«Ініцыятыва “24 гадзіны для Пана”, якая праводзіцца ў пятніцу і суботу перад IV нядзеляй Вялікага посту, павінна пашырыцца ў дыяцэзіях, — адзначаецца ў Папскай буле «Misericordiae Vultus». — Многія людзі зноў змогуць скарыстаць з сакрамэнту паяднання, а сярод іх шмат моладзі. Праз гэта яны часта знаходзяць шлях вяртання да Пана, да гарачай малітвы, а таксама знаходзяць сэнс свайго жыцця. З перакананнем зноў паставім у цэнтры сакрамэнт паяднання, бо ён дапамагае нам рэальна пераканацца ў велічы міласэрнасці».

Дата правядзення малітоўнай акцыі ў кожнай з дыяцэзій свая: 4-5 сакавіка акцыя пройдзе ва ўсіх парафіяльных касцёлах Пінскай і Віцебскай дыяцэзій, 5-6 сакавіка акцыя пройдзе ў катэдральным касцёле Магілёва і мінскай архікатэдры.

Праграма адарацыі ў архікатэдральным касцёле Імя Найсвяцейшай Панны Марыі ў Мінску:

5 сакавіка

• 8.00 – святая Імша
• 8.30 – адарацыя Найсвяцейшага Сакрамэнту, Крыжовы шлях
• 10.00 – адарацыю праводзіць супольнасць «Хатні Касцёл»
• 12.00 – адарацыю праводзіць дыякан мінскай архікатэдры Мікалай Гракаў
  
• 13.00 – адарацыя ў цішы
• 14.00 – адарацыю праводзіць Легіён Марыі. Фацімскі Ружанец.
• 15.00 – адарацыю праводзіць рэдакцыя «Ave Maria»
  
• 16.00 – адарацыю праводзіць Шанштацкі рух
  
• 17.30 – Крыжовы шлях
  
• 18.30 – святая Імша
  
• 19.30 – прыватная адарацыя Найсвяцейшага Сакрамэнту
  
• 21.00 – пачатак начнога чування моладзі

6 сакавіка

• 8.00 – благаслаўленне Найсвяцейшым Сакрамэнтам

(IL)