19 мая, ва ўрачыстасць Езуса Хрыста, Найвышэйшага і Вечнага Святара, у катэдральным касцёле св. Францішка Ксаверыя ў Гродне падчас святой Імшы ў 12.00 адбудзецца ўрачыстая інсталяцыя Гродзенскага капітула. Канонікі капітула пачнуць у гэты дзень сваё служэнне.

Агучванне прозвішчаў святароў, прызначаных канонікамі катэдральнага капітула Унебаўзяцця Найсвяцейшай Панны Марыі і св. Казіміра Каралевіча, і ўручэнне ім дэкрэтаў адбылося 10 сакавіка ў будынку гродзенскай курыі. Было прызначана восем грэміяльных і дзевяць ганаровых канонікаў.

Спіс канонікаў капітула Унебаўзяцця Найсвяцейшай Панны Марыі і св. Казіміра Каралевіча>>>

Катэдральны капітул у Гродне быў заснаваны са згоды Апостальскай Сталіцы ў 2012 годзе.

На ўрачыстую інсталяцыю капітула, якая будзе першай у гісторыі Гродзенскай дыяцэзіі, біскуп Гродзенскі Аляксандр Кашкевіч шчыра запрашае ўсіх жадаючых.

(AG)