У межах Нацыянальнага эўхарыстычнага кангрэсу, які пройдзе ў Гродне 24-26 мая, запланаваны два канцэрты для вернікаў.

25 мая ў 20.00 у гарадскім Доме культуры (вул. Дзяржынскага, 1) адбудзецца канцэрт касцёльных хораў. На канцэрт запрашаюцца дэлегацыі з усіх парафій Гродна (колькасць чалавек у кожнай дэлегацыі – 20).

Таксама 25 мая ў 20.00 пры касцёле Найсвяцейшага Адкупіцеля (Дзевятоўка) адбудзецца вечар музычнага праслаўлення для моладзі, падчас якога маладыя людзі будуць дзякаваць Богу за Нацыянальны эўхарыстычны кангрэс і юбілей дыяцэзіі. На вечар запрашаецца моладзь з усёй дыяцэзіі і ўсе жадаючыя.

(JM)