З 24 па 26 мая ў Гродне пройдзе Нацыянальны эўхарыстычны кангрэс. Ён будзе ўключаць канферэнцыі, эўхарыстычныя адарацыі, святыя Імшы, канцэрты і завершыцца працэсіяй Божага Цела вуліцамі горада.

«Праз удзел у Эўхарыстычным кангрэсе ўся наша дыяцэзія, яе біскупы, святары, асобы кансэкраванага жыцця і ўсе вернікі запрошаны да складання Богу Усемагутнаму падзякі за 25 гадоў існавання дыяцэзіі.

Таму няхай наш удзел падчас кангрэсу ў канферэнцыях, адарацыях і святых Імшах, у адпаведнасці з праграмай, будзе нашым агульным выразам падзякі за ўсе ласкі, якія наша дыяцэзія атрымала на працягу гэтых 25 гадоў.

Няхай наша малітва падзякі будзе актам адданасці і даверу нашай дыяцэзіі Божаму Провіду і заступніцтву святых заступнікаў – Маці Божай Міласэрнасці, св. Казіміра, св. Максімільяна Марыі Кольбэ», – піша біскуп Гродзенскі Аляксандр Кашкевіч, звяртаючыся да вернікаў і духавенства.

«Прашу вас аб малітве ў інтэнцыях кангрэсу і нашай дыяцэзіі. Запрашаю вас прыняць удзел у мерапрыемствах кангрэсу і ўсіх ад усяго сэрца благаслаўляю», – дадае гродзенскі ардынарый.

Праграма

24 мая, аўторак

• 15.30 – прывітанне ўдзельнікаў (зала Яна Паўла II Вышэйшай духоўнай семінарыі) і канферэнцыя «Культ Эўхарыстыі ў кантэксце культу Божай міласэрнасці» (дапаможны біскуп Беластоцкай архідыяцэзіі Генрых Цярэшка)
• 17.00 – прэзентацыя Дзённіка св. Фаўстыны Кавальскай у перакладзе на беларускую мову (Крыстына Лялько, пісьменніца і рэдактар часопіса «Ave Maria»)
• 17.30 – вячэра
  
• 19.00 – святая Імша, якую ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч (катэдральны касцёл св. Францішка Ксаверыя)
• 20.15 – эўхарыстычная адарацыя (святары, манахіні, сужэнцы, бацькі, моладзь, дзеці)
  
  

25 мая, серада

• 9.30 – эўхарыстычная адарацыя і ранішняя малітва (касцёл Адшукання Святога Крыжа)
• 10.00 – канферэнцыя «Эўхарыстыя і місіі» (біскуп Элцкі Ежы Мазур) (касцёл Адшукання Святога Крыжа)
• 11.15 – перапынак на каву
  
• 12.00 – святая Імша, якую ўзначаліць папскі легат кардынал Зянон Грахалеўскі (касцёл Адшукання Святога Крыжа)
• 13.30 – абед
  
• 16.00 – канферэнцыя «Адраджэнне Каталіцкага Касцёла ў Беларусі як дар Божай міласэрнасці (у кантэксце Гродзенскай дыяцэзіі)» (Мітрапаліт Мінска-Магілёўскі арцыбіскуп Тадэвуш Кандрусевіч) (катэдральны касцёл св. Францішка Ксаверыя)
  
• 17.15 – Нешпары да Найсвяцейшай Панны Марыі (грэка-каталіцкая супольнасць)
  
• 18.00 – вячэра
  
• 20.00 – канцэрт хораў з нагоды 25-гадовага юбілею для запрошаных гасцей (гарадскі Дом культуры, вул. Дзяржынскага, 1)
• 19.00-21.30 – святая Імша і вечар хвалы для моладзі і ўсіх жадаючых (касцёл Найсвяцейшага Адкупіцеля, Дзевятоўка)

26 мая, чацвер

• 9.00 – эўхарыстычная адарацыя і ранішняя малітва  
• 10.00 – канферэнцыя «Божая міласэрнасць як заклік для сучаснага свету» (папскі легат кардынал Зянон Грахалеўскі) (зала Яна Паўла II Вышэйшай духоўнай семінарыі)  
• 11.15 – падвядзенне вынікаў кангрэсу
  
• 13.00 – абед 
  
• 18.00 – святая Імша, якую ўзначаліць папскі легат кардынал Зянон Грахалеўскі (катэдральны касцёл св. Францішка Ксаверыя)
• эўхарыстычная працэсія па вуліцах горада. Вячэра (Вышэйшая духоўная семінарыя)
  

(JM)