15 жніўня ў санктуарыі Маці Божай Валадаркі азёраў у Браславе распачнецца летняя школа касцёльнага спеву. Яна будзе працягвацца пяць дзён.

У праграме летняй школы — пастаноўка голасу для харыстаў і кантараў, супольны харавы спеў, тэорыя і практыка касцёльнага спеву, гісторыя касцёльнай музыкі (факультатыўна).

Калектыў выкладчыкаў летняй школы ўзначальвае старшыня секцыі касцёльнай музыкі Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі, дацэнт Беларускай дзяржаўнай акадэміі музыкі і галоўны арганіст мінскай архікатэдры Уладзімір Неўдах.

Прыняць удзел у летняй школе запрашаюцца парафіяльныя хары, вакальныя групы і ўсе, каму падабаецца касцёльны спеў і музыка.

Узрост удзельнікаў неабмежаваны, музычная адукацыя неабавязковая. Музыкантам трэба мець з сабой музычныя інструменты.

Як зарэгістравацца?

Кошт удзелу складае 30 дэнамінаваных рублёў. Да 10 жніўня ўсім, хто хоча прыняць удзел у летняй школе, трэба даслаць запоўненую анкету на Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript .

Таксама анкету можна выслаць на адрас парафіі Нараджэння Найсвяцейшай Панны Марыі (211970 Віцебская вобл., г. Браслаў, вул. Савецкая, 1).

Тэлефон для даведак: +375 21 536 52 36 (кс. Станіслаў Мжыглуд SDS, пробашч: +375 29 710 50 37, арганістка Іна Сапун: +375 29 715 73 42).

Пра што не забыцца?

Рэгістрацыя ўдзельнікаў распачнецца 15 жніўня ў будынку насупраць касцёла ад 15.00. Пачатак заняткаў а 17-й гадзіне. У 19.00 — урачыстая святая Імша.

Удзельнікі атрымаюць неабходны нотны матэрыял. Арганізатары забяспечваюць начлег і харчаванне, але просяць мець з сабой спальнік. Таксама ўдзельнікаў просяць мець ноты любімых касцёльных спеваў.

Таксама аб’яўлены конкурс на напісанне лепшай песні ў гонар Маці Божай Валадаркі азёраў.  

Кульмінацыяй тыдня касцёльных заняткаў стане спеў падчас святой Імшы 20 жніўня на галоўнай урачыстасці Маці Божай Валадаркі Азёраў.

(IL), у якасці ілюстрацый выкарыстаны фотаздымкі Catholic.by
з «Музычнай майстэрні» ў Івянцы розных гадоў