Цікавыя спікеры, майстар-класы ад прафесійных журналістаў, круглыя сталы і магчымасць пазнаёміцца з католікамі-журналістамі Беларусі і замежжа — гэта яшчэ не ўсё, што прапануе Першы кангрэс каталіцкіх СМІ, які пройдзе 24–26 жніўня ў Гродне. Некалькі пытанняў мы адрасавалі адказнаму за кангрэс кс. Паўлу Салабудзе.

24–26 жніўня ў Гродне адбудзецца Першы кангрэс каталіцкіх СМІ ў Беларусі. Пра мэты і задачы дадзенай ініцыятывы ў інтэрв’ю для Catholic.by расказаў Мітрапаліт Тадэвуш Кандрусевіч.

Кожны можа заўважыць, што сёння мы маем вельмі цікавыя часы. Навуковы прагрэс дае сучаснаму чалавеку незвычайныя, часам нават, здаецца, неабмежаваныя магчымасці, аб якіх не мог падумаць чалавек старажытнасці альбо Рэнесансу.

Баранавічы, 25–26 лютага 2012 г.

Глыбокапаважаныя святары, кансэкраваныя асобы, студэнты, прадстаўнікі сродкаў масавай камунікацыі, браты і сёстры!

24 студзеня Каталіцкі Касцёл адзначае ўспамін св. Францішка Сальскага, біскупа і доктара Касцёла. У 1923 г. гэты святы быў абвешчаны апекуном каталіцкай прэсы. 

Працягваюцца святкаванні 150-годдзя газеты «L’Osservatore Romano». З гэтай нагоды 1 ліпеня 2011 г. Дзяржаўны сакратар Яго Святасці Папы Бэнэдыкта XVI кардынал Тарчызіо Бэртонэ цэлебраваў святую Імшу для працаўнікоў рэдакцыі газеты.

Цудоўны летні дзень 29 чэрвеня 1951 г., калі кардынал Мюнхена Міхэль вон Фаўхабэр у катэдры ў Фрайзінгу ўсклаў рукі на 24-гадовага дыякана Ёзафа Ратцынгера, яго брата і іншых 42-х новых святароў па словах Бэнэдыкта XVI з’яўляецца наважнейшым днём у яго жыцці. Пра гэта піша ватыканская газета «L’Osservatore Romano».

17–22 чэрвеня 2011 г. з візітам у Беларусі знаходзіўся намеснік Генеральнага дырэктара Ватыканскага радыё кс. Анджэй Капроўскі. Падчас свайго візіту святар сустрэўся з Канферэнцыяй Каталіцкіх Біскупаў у Беларусі і стаў госцем некалькіх беларускіх СМІ: інтэрнэт-партала TUT.BY і інфармацыйнага агенцтва «БелаПан». Ксёндз Капроўскі сустрэўся таксама з кіраўніцтвам Белтэлерадыёкампаніі і абмеркаваў планы магчымага супрацоўніцтва.

Да 45-га Сусветнага дня сацыяльных камунікацый, які адзначаўся 5 чэрвеня 2011 г., Святы Айцец Бэнэдыкт XVI скіраваў пасланне пад назвай «Ісціна, абвяшчэнне і сапраўнасць жыцця ў лічбавую эпоху».

16 мая ў Рыме распачаўся форум арганізаваны Папскай радай «Iustitia et pax», прымеркаваны да 50-годдзя сацыяльнай энцыклікі папы Яна XXIII «Mater et Magistra» («Маці і Настаўніца»).

«Пачаткам актыўнасці Касцёла з’яўляецца камунікацыя ў любові. Гэтую любоў Касцёл перадае праз сродкі масавай інфармацыі, абараняючы годнасць кожнага чалавека», — адзначыў старшыня Папскай рады па сродках масавай камунікацыі арцыбіскуп Клаўдыё Марыя Чэллі ў інтэрв’ю для партала Catholic.by.

Адказна карыстацца Інтэрнэтам заахвоціў Святы Айцец Бэнэдыкт XVI хрысціян усяго свету ў пасланні на 45 Дзень сродкаў масавай камунікацыі. Па словах Папы, Інтэрнэт можа быць цудоўным сродкам евангелізацыі, аднак карыстанне ім патрабуе крытычнага падыходу, сведчання веры і абуджэння пытанняў, якія крыюцца ў чалавечай натуры.

«Задача інфармацыйных органаў Касцёла — адважнае служэнне праўдзе, каб дапамагчы грамадскаму меркаванню ва ўспрыманні і разуменні рэчаіснасці з евангельскага пункту гледжання», — падкрэсліў Святы Айцец Бэнэдыкт XVI падчас сустрэчы з удзельнікамі Італьянскай федэрацыі каталіцкіх штотыднёвікаў. Да арганізацыі належаць 188 часопісаў з розных дыяцэзій Італіі.

Мас-медыя ў жыцці сучаснага Касцёла
Мінская архікатэдра, 6 кастрычніка 2010 г.

Сацыяльныя ўстановы сродкаў масавай камунікацыі зарадзіліся і пачалі развівацца на аснове свецкіх навук і тэхнікі. З самага пачатку іх з’яўлення перакананне ў іх сіле і значэнні схіляла шматлікія сацыяльныя групы і палітычныя партыі да ўтварэння ўласных правіл іх функцыянавання. Дзеянні, якія пры гэтым прадпрымаліся, не заўсёды адпавядалі гуманістычным каштоўнасцям і хрысціянскай веры. Часта яны супярэчылі правам чалавека і годнасці чалавечай асобы. Касцёл не мог застацца абыякавым да гэтых пагражаючых небяспек. З’явілася тэрміновая неабходнасць у абавязковым указанні належнай ролі СМІ ў жыцці чалавека.

Як адзначыў старшыня Папскай рады па сродках масавай камунікацыі арцыбіскуп Клаўдыё Марыя Чэллі, Святы Айцец Бэнэдыкт XVI надае вялікую ўвагу інтэрнэт-тэхналогіям і карыстаецца электроннай поштай. У італьянскай тэлепраграме «Адкрытая студыя» ватыканскі іерарх паведаміў, што ў Пантыфіка ёсць свой e-mail, на які яму дасылаюць пісьмы людзі з усяго свету.