З нагоды гадавіны распачацця малітоўнай акцыі «Няспынная малітва за Беларусь» 12 красавіка ў мінскім архікатэдральным касцёле Імя Найсвяцейшай Панны Марыі пройдзе міжканфесійная малітва за Беларусь.

Малітва пачнецца ў 19.30 пасля святой Імшы.

У малітве прымуць удзел каталіцкія, праваслаўныя, грэка-каталіцкія і пратэстанцкія вернікі, якія ўдзельнічаюць у кругласутачнай малітве за Беларусь. Запрашаюцца таксама ўсе ахвотныя.

Даведка:

«Няспынная малітва за Беларусь» пачалася 12 красавіка 2015 г., нядзелю Божай Міласэрнасці.

Кожную гадзіну тыдня — і дзённую, і начную — было вырашана праводзіць у малітве. Кожны абірае сваю гадзіну, каб маліцца за Радзіму.

Большасць удзельнікаў малітоўнай ініцыятывы — студэнцкая і працоўная моладзь. Пра некаторых з іх можна прачытаць на нашай старонцы ў матэрыялах «Няспынная малітва за Беларусь — знаёмства з удзельнікамі ініцыятывы», якія рыхтуе Вольга Севярынец, адна з ініцыятараў і каардынатараў акцыі.

Да акцыі можна далучыцца кожнаму ахвотнаму.

Гадзіны, якія ўжо занятыя і яшчэ вольныя, можна паглядзець тут»»

Матэрыялы на гэтую тэму:

• «Няспынная малітва за Беларусь» — знаёмімся з удзельнікамі ініцыятывы. Яўген Балагураў
• «Няспынная малітва за Беларусь» — знаёмімся з удзельнікамі ініцыятывы. Тамара Мінютка
• «Няспынная малітва за Беларусь» — знаёмімся з удзельнікамі ініцыятывы. Кацярына Стасюлевіч і Павел Вільтоўскі
• «Няспынная малітва за Беларусь» — знаёмімся з удзельнікамі ініцыятывы. Арцём Сітнікаў

(AYU)