«Заданне Касцёла, якім з’яўляецца абвяшчэнне і абарона ў кожным месцы і часе асноўных правоў і абавязкаў чалавека, патрабуе ад яго быць прыкладам у гэтым», — адзначыў Дзяржсакратар Яго Святасці кардынал Тарчызіо Бэртонэ падчас літургіі на пачатак новага судовага года дзяржавы Ватыкан.

У гаміліі кардынал падкрэсліў, што касцёльным установам нельга абмяжоўвацца абвяшчэннем агульных правіл евангельскай справядлівасці. Іх неабходна рэалізоўваць у складанай штодзённай практыцы.