У ліпені не будзе папскіх аўдыенцый. 3 ліпеня Пантыфік накіруецца ў летнюю рэзідэнцыю ў Кастэль Гандольфа. Падчас свайго знаходжання тут Святы Айцец звычайна працуе над сваімі кнігамі і дакументамі, сустракаецца са шматлікімі гасцямі.

Адновяцца агульныя аўдыенцыі з 1 жніўня і будуць праходзіць у Кастэль Гандольфа кожную сераду, акрамя 15 жніўня (ва ўрачыстасць Унебаўзяцця Найсвяцейшай Панны Марыі), калі Святы Айцец раніцай узначаліць літургію, а апоўдні сустрэнецца з вернікамі на малітве «Анёл Панскі».