Звярнуць увагу на тое, якое месца займае ў жыцці вернікаў Бог, прапанаваў Святы Айцец Францішак у сваім новым запісе ў «Твітэры» 17 мая. «Ці сапраўды наша жыццё напоўнена прысутнасцю Бога? Колькі рэчаў займаюць месца Бога ў маім жыцці кожны дзень?» — над такімі пытаннямі заахвоціў задумацца Папа.

Падумаць над тым, «ці сапраўды наша жыццё натхнёнае Богам», Пантыфік прапанаваў і падчас агульнай аўдыенцыі 15 мая. «Ці зрабілі мы канкрэтныя крокі, каб больш ведаць Езуса і праўды веры, чытаючы і разважаючы над Святым Пісаннем, вывучаючы Катэхізіс, пастаянна прымаючы сакрамэнты?» — паставіў пытанне Святы Айцец, заклікаўшы не быць «часовымі» хрысціянамі, якія паказваюць сваю хрысціянскую сутнасць толькі ў выбраных сітуацыях.

(AG)