Вучыцца ў Маці Божай прымаць Бога ў сваё жыццё заахвоціў вернікаў Святы Айцец у сваім новым запісе ў «Твітэры». «Мы павінны вучыцца ў Марыі, і мы павінны наследаваць яе безумоўную гатоўнасць прыняць Хрыста ў сваё жыццё», — так гучаць словы папы Францішка.

Не баяцца шукаць Хрыста і сустрэч з Ім, ствараць магчымасці для такіх сустрэч Пантыфік заклікаў і падчас Імшы 17 мая. «Езус заўсёды шукае нас, Ён заўсёды побач з намі. Але часта мы глядзім у іншы бок, таму што ў нас няма жадання гаварыць з Панам або сустракаць Яго, — звярнуў увагу Святы Айцец. — Сустрэць Пана, але, што больш важна, даць Яму магчымасць сустрэць нас — гэта сапраўдная ласка».

(AG)