Маліцца за пацярпелых ад тарнада ў штаце Аклахома (ЗША) заклікаў папа Францішак у запісе ў «Твітэры» 21 мая. «Выказваю блізкасць сем’ям усіх, хто загінуў ад тарнада ў Аклахоме, асабліва тым, хто страціў маленькіх дзяцей. Далучыцеся да мяне ў малітве за іх», — напісаў Святы Айцец.

Таксама, як паведамляе Ватыканскае радыё, за ахвяраў гэтага катаклізму Папа маліўся падчас ранішняй Эўхарыстыі ў Доме св. Марты. Моцны тарнада, які абрушыўся на поўдзень ЗША 20 мая, па папярэдніх даных унёс жыцці каля 90 чалавек, сярод якіх не менш за 20 дзяцей. Раненні атрымалі больш за 230 чалавек. У выніку тарнада амаль цалкам разбураны будынак пачатковай школы і бальніцы, а таксама дзясяткі жылых дамоў.

(AG)