«Уся гісторыя збаўлення — гэта гісторыя таго, як Бог шукае нас: Ён прапануе нам любоў і вітае нас з пяшчотай», — з такімі словамі звярнуўся папа Францішак да вернікаў у «Твітэры». Новы запіс Пантыфіка з’явіўся 31 мая.

Пра гэта Святы Айцец казаў таксама падчас агульнай аўдыенцыі 29 мая. «Уся гісторыя збаўлення — гэта гісторыя таго, як Бог шукае чалавека, дорыць яму сваю любоў і прымае яго. Ён паклікаў Абрагама быць айцом многіх, выбраў ізраільскі народ, каб заключыць запавет, які ахопіць усіх людзей, і, калі надышла поўня часу, паслаў свайго Сына, каб Яго план любові і збаўлення рэалізаваўся ў новым і вечным запавеце з усім чалавецтвам», — адзначаў Пантыфік.

(AG)