«Грамадства спажывецтва прывучыла нас траціць. Але выкідваць ежу — гэта быццам красці яе ў бедных і галодных», — такі новы запіс Святога Айца Францішка ў «Твітэры», які з’явіўся 7 чэрвеня.

На гэтую тэму Папа казаў падчас агульнай аўдыенцыі 5 чэрвеня. «Будзем жа добра памятаць, што калі выкідваем ежу, нібыта крадзем яе са стала бедных, тых, хто адчувае голад. Заклікаю ўсіх падумаць над праблемай марнавання і неразумнага выкарыстання ежы, каб вызначыць шляхі і спосабы, якія пасля сур’ёзнага вырашэння гэтай праблемы прывядуць да стварэння сувязяў салідарнасці і дзялення з найбольш патрабуючымі», — заахвоціў Пантыфік.

На аўдыенцыі Святы Айцец адзначаў, што калі ад холаду і голаду паміраюць тысячы дзяцей – гэта сучаснаму свету здаецца нармальным, «не з’яўляецца навіной», але калі на дзесяць пунктаў падае курс на біржы, гэта ўжо трагедыя.

(AG)