У новым запісе ў «Твітэры» 12 чэрвеня Святы Айцец нагадаў пра тое, наколькі небяспечна ставіць на месца Бога ідалаў. «З колькімі відамі маральнай і матэрыяльнай беднасці мы сутыкаемся сёння ў выніку таго, што адмаўляем Бога і ставім шматлікіх ідалаў на Яго месца!» — так гучаць словы Пантыфіка.

На падобную тэму папа Францішак казаў таксама 8 чэрвеня ў відэазвароце да ўдзельнікаў ініцыятывы «Дзесяць плошчаў для дзесяці запаведзяў», якая праходзіла ў Мілане (Італія). Разважаючы пра ролю Божых запаведзяў, Святы Айцец падкрэсліў, што яны паказваюць шлях, якім людзі павінны ісці, уяўляюць сабой свайго роду «этычны кодэкс» для пабудовы справядлівага грамадства. Калі ж, па словах Папы, у жыцці адкідваць Бога і на Яго месца ставіць ідалаў — гэта прыводзіць да матэрыяльных і маральных бедстваў.

(AG)