Дзяліцца дарамі сваёй душы заахвоціў вернікаў Святы Айцец Францішак 26 чэрвеня ў «Твітэры». «Міласэрнасць, цярплівасць і пяшчота — вельмі прыгожыя дары. Калі яны ў вас ёсць, дзяліцеся імі з іншымі», — так гучаць словы Пантыфіка.

На падобную тэму Папа казаў і на святой Імшы 21 чэрвеня, адзначаючы, што скарб, які можна забраць з сабой у Божае Валадарства – гэта «той, які не захаваў для сябе», а «даў іншым»: любоў, міласэрнасць, служэнне, цярплівасць, дабрыня, пяшчотнасць. Паводле Святога Айца, трэба імкнуцца мець сэрца, якое будзе шукаць Божыя рэчы.

(AG)