16 ліпеня Святы Айцец звярнуўся да вернікаў з новым запісам у «Твітэры». «Малітва, пакора і міласэрнасць да ўсіх маюць важнейшае значэнне ў хрысціянскім жыцці: гэта шлях да святасці», — так гучаць словы папы Францішка.

Пра значэнне міласэрнасці Пантыфік казаў і ў разважанні перад малітвай «Анёл Панскі» 14 ліпеня, узгадваючы добрага самараніна з Евангелля. Па словах Папы, «Бог заўсёды жадае (…) міласэрнасці з сэрца» і «дае нам усім гэтае міласэрнае сэрца, і гэта тое, што робіць самаранін: прыпадабняецца да Божай міласэрнасці, той міласэрнасці, у якой сам мае патрэбу».

(AG)