18 ліпеня Святы Айцец звярнуўся да вернікаў з новым запісам у «Твітэры». «У Год веры будзем памятаць, што вера — не наша ўласнасць, але што мы павінны ёю дзяліцца. Кожны хрысціянін з’яўляецца апосталам», — так гучаць словы папы Францішка.

Пантыфік падкрэсліваў гэта і раней, напрыклад, у разважанні перад малітвай «Анёл Панскі» 7 ліпеня. Святы Айцец адзначаў, што «кожны павінен быць місіянерам, кожны можа пачуць заклік Езуса і пайсці, абвяшчаючы Божае Валадарства». «Дазволім Хрысту прыйсці ў наша жыццё, каб запрасіць нас выйсці на перыферыі і там абвяшчаць Евангелле», — заклікаў Папа вернікаў.

(AG)