Папа Францішак сустрэнецца з сем’ямі, якія прыбудуць з усяго свету ў Рым у рамках пілігрымкі Года веры. Пілігрымка пройдзе 26–27 кастрычніка.

Па інфармацыі Ватыканскага радыё, 26 кастрычніка ўдзельнікі пілігрымкі пройдуць вуліцамі Рыма, пачынаючы з «Piazza del Popolo» (Плошчы народаў), каб затым прыбыць на плошчу св. Пятра. Тут у другой палове дня адбудзецца сустрэча з Пантыфікам, падчас якой сем’і падзеляцца радасцю веры і досведам шчасця сямейнага жыцця.

Сустрэча завершыцца 27 кастрычніка Імшой, якую ўзначаліць Пантыфік на плошчы св. Пятра.

На пілігрымку ў Рым запрошаны сем’і разам з дзецьмі, бабулямі і дзядулямі. Свой удзел трэба пацвердзіць праз інтэрнэт на партале Папскай рады па справах сям’і да канца верасня.

(AG)