22 ліпеня пачалося першае апостальскае падарожжа Святога Айца Францішка за межы Італіі. У 8 гадзін 53 хвіліны па рымскім часе Папа ўзняўся на аэробусе з рымскага аэрапорта «Ф’юмічына» ў накірунку Бразіліі.

Чакаецца, што на мерапрыемствах Сусветнага дня моладзі з удзелам Пантыфіка будуць прысутнічаць больш за 2 мільёны юнакоў і дзяўчат з усяго свету, сярод якіх і беларусы. Цэнтральным пунктам заакіянскага апостальскага падарожжа і ўдзелу Папы у ХХVІІІ Дні моладзі стане начное чуванне і дыялог з моладдзю і заключная святая Імша ў Гуараціба.

Як паведамляе Ватыканскае радыё, Папа вернецца ў Рым 29 ліпеня.

(AG)