Наступны Сусветны дзень моладзі адбудзецца ў Кракаве (Польшча) у 2016 г. Аб гэтым паведаміў папа Францішак 28 ліпеня на заканчэнне святой Імшы ў Рыа-дэ-Жанэйра.

Як адзначае Ватыканскае радыё, арцыбіскуп Кракаўскі кардынал Станіслаў Дзівіш заяўляў у чэрвені 2013 г., што гэты горад павінен быць гаспадаром Сусветнага дня моладзі на той падставе, што гэты форум у некаторым родзе быў «вынайдзены» там – яго задумаў Ян Павел ІІ яшчэ ў бытнасць арцыбіскупам Кракаўскім.

(AG)