Папа Францішак наведае езуіцкі цэнтр дапамогі бежанцам і мігрантам у Рыме «Astalli». Візіт Пантыфіка адбудзецца 10 верасня.

У цэнтры «Astalli» тыя, хто быў вымушаны пакінуць родную краіну, маюць магчымасць атрымаць штодзённы пасілак, медыцынскую дапамогу і базавыя веды італьянскай мовы.

Візіт Папы адбудзецца ў прыватнай форме. Аб рашэнні асабіста прывітаць супрацоўнікаў цэнтра і бежанцаў, якія атрымліваюць у ім дапамогу, Святы Айцец паведаміў дырэктару гэтай установы кс. Джаванні Ла Мана яшчэ 6 красавіка. Цяпер, паведамляе Ватыканскае радыё, стала вядома дакладная дата візіту.

Гэта будзе другая сустрэча папы Францішка з бежанцамі і мігрантамі. 8 ліпеня Святы Айцец наведаў востраў Лампедуза, які знаходзіцца недалёка ад Сіцыліі.

(AG)