Папа Францішак праз пасрэдніцтва Папскай рады “Cor Unum” накіраваў суму ў памеры 150 тысяч амерыканскіх долараў на дапамогу пацярпелым ад наступстваў тайфуну “Хайян”, які абрынуўся некалькі дзён таму на Філіпіны. Гэтая сума, гаворыцца ў паведамленні Папскай рады, будзе распаўсюджана праз мясцовы Касцёл сярод найбольш пацярпелых ад стыхійнага бедства.

Таксама сродкі будуць выкарыстаны для садзейнічання ратавальным мерапрыемствам і дапамогі на карысць перасяленцаў.

Грашовая сума, як адзначаецца ў паведамленні Папскай рады, стане “першым і неадкладным” выразам пачуцця “духоўнай блізкасці і бацькоўскай падтрымкі” Святога Айца да людзей на тэрыторыях, спустошаных тайфунам.

Паводле беларускай рэдакцыі Ватыканскага радыё

(AG)