Папа Францішак выказаў сваю блізкасць да народа Філіпін. 21 лістапада падчас сустрэчы ў Ватыкане з філіпінскімі вернікамі Святы Айцец прызнаўся, што яго моцна кранула трагедыя, якую прынеслі на паўднёва-усходнія астравы стыхійныя бедствы.

Пантыфік пажадаў перажыць гэтыя выпрабаванні з салідарнасцю. Святы Айцец падкрэсліў, што ў такія моманты больш важна, чым шукаць адказу на пытанне, чаму здараюцца такія рэчы, угледзецца у вочы Бога, бо менавіта там знойдзем бяспеку. Па словах Папы, у гэтыя моманты болю сілай з’яўляецца малітва, але без патрабавання тлумачэнняў, проста з адчуваннем, што наш Айцец побач з намі.

Пантыфік паабяцаў філіпінскаму народу сваю малітву.

Паводле беларускай рэдакцыі Ватыканскага радыё

(AG)