Вечарам 23 снежня Папа Францішак наведаў Бэнэдыкта XVI, каб асабіста скласці віншаванні з нагоды святаў Божага Нараджэння. Пантыфік на пенсіі сустрэў Папу пры ўваходзе ў сваю рэзідэнцыю – былы кляштар “Mater Ecclesiae” на тэрыторыі ватыканскіх садоў.

Яны супольна памаліліся ў капліцы і правялі прыватную размову. Папа Францішак, якога суправаджалі асабістыя сакратары, прывітаў таксама тых, хто дапамагае Пантыфіку на пенсіі: арцыбіскупа Георга Генсвайна, некаторых законніц і свецкіх вернікаў.

Паводле беларускай рэдакцыі Ватыканскага радыё

(AG)