Святы Айцец прывітаў удзельнікаў і арганізатараў зімовай Алімпіяды ў Сочы і звярнуўся да іх са сваімі пажаданнямі. 9 лютага пасля малітвы “Анёл Панскі” на плошчы св. Пятра Папа Францішак нагадаў сабраным, што “у гэтыя дні ў расійскім Сочы праводзяцца зімовыя Алімпійскія гульні”.

“Я хацеў бы выказаць мае віншаванні арганізатарам і ўсім спартсменам, з надзеяй, што гэта будзе сапраўднае свята спорту і сяброўства”, - сказаў Пантыфік.

У Сочы нясуць служэнне таксама каталіцкія капеланы. Многія з іх прыбылі з дэлегацыямі сваіх краін, трое прадстаўляюць Каталіцкі Касцёл у Расіі. Створаны тры міжканфесійныя цэнтры, дзе працуюць каля сотні прадстаўнікоў хрысціянскіх канфесій, ісламу, юдаізму, будызму і індуізму. Адну з капліц, размешчаную ў горнай вёсцы, католікі выкарыстоўваюць сумесна з праваслаўнымі.

Паводле беларускай рэдакцыі Ватыканскага радыё

(AG)