Святы Айцец Францішак са смуткам успрыняў навіну аб крушэнні самалёта «Malaysian Airlines» на ўсходзе Украіны — рэгіёне, дзе адбываецца супрацьстаянне. У спецыяльнай заяве Прэс-службы Святога Пасаду гаворыцца, што Пантыфік узносіць малітвы за шматлікіх ахвяр інцыдэнту і іх родных. 

17 ліпеня 2014 г. над тэрыторыяй Данецкай вобласці Украіны пацярпеў крушэнне малайзійскі пасажырскі самалёт «Боінг 777», на борце якога знаходзіліся 298 чалавек. Усе яны загінулі.

У ліку ахвяр, як паведамляе Каталіцкае інфармацыйнае агенцтва Польшчы, была і аўстралійская законніца Філамэна Цернан, якая вярталася з рэкалекцый сваёй Кангрэгацыі Святога Сэрца Езуса. Таксама гэтым рэйсам ляцелі дэлегаты ХХ Міжнароднай канферэнцыі па СНІДу, пачатак якой планаваўся ў Мельбурне на 20 ліпеня.