Папа Францішак падтрымаў ініцыятыву ахвяраваць 100 тысяч еўра фонду «Аўшвіц-Біркенаў», які апякуецца аднайменным музеем, створаным на тэрыторыі комплекса канцэнтрацыйных лагераў часоў ІІ Сусветнай вайны каля польскага Асвенцымa.

«Сума невялікая, таму што нашы магчымасці абмежаваны, але ёй мы жадаем выказаць поўную падтрымку праекту, рэалізацыяй якога займаецца фонд», — адзначыў Дзяржаўны сакратар кардынал Пьетро Паралін у лісце, які суправаджаў ахвяраванне.

У сваю чаргу, дырэктар фонда «Аўшвіц-Біркенаў» Пётр Цывінскі заўважыў, што фінансавая падтрымка з боку Апостальскай Сталіцы з’яўляецца важным сігналам, бо прызнае «фундаментальную ролю памяці для сучаснага чалавека».

Апостальская Сталіца далучылася да 30 краін, якія падтрымліваюць пастаяны бюджэт фонда «Аўшвіц-Біркенаў» у 120 мільёнаў еўра, неабходны для поўнага пакрыцця коштаў утрымання музея памяці ахвяраў Халакосту. Паловa ўсіх ахвяраванняў на карысць Дзяржаўнага музея Аўшвіц-Біркенаў прыходзіць з боку Германіі.

Паводле беларускай рэдакцыі Ватыканскага радыё

(AG)