Папа Францішак выдасць энцыкліку на тэму экалогіі да пачатку летняга адпачынку, падкрэсліў кіраўнік Прэс-службы Апостальскай Сталіцы а. Фэдэрыко Ламбардзі ў інтэрв’ю амерыканскаму часопісу National Catholic Register.

Кіраўнік Прэс-службы абверг чуткі аб «дактрынальных праблемах», якія нібыта мелі месца ў чарнавіку дакумента, прадстаўленым у Кангрэгацыю Веравучэння і маглі справакаваць адцягненне тэрміну яго выдання.

Святар распавёў, што «працэдуры падрыхтоўкі энцыклікі да публікацыі адбываюцца цалкам нармальна» і без затрымак. Тым больш канкрэтных датаў з’яўлення дакумента ніколі не называлася. Версіі, якія распаўсюджваліся некаторымі асобамі, грунтаваліся на плётках і домыслах, як сцвердзіў на гэты конта. Ламбардзі.

Кіраўнік Прэс-службы заўважыў, што тэкст энцыклікі ўжо перакладзены на розныя мовы і яе выданне адбудзецца праз некалькі тыдняў, хутчэй за ўсё ў чэрвені.

Паводле беларускай рэдакцыі Ватыканскага радыё, (AYU)