“Я побач з усімі работнікамі, якія салідарна абараняюць права на працу”, якое з’яўляецца правам да годнасці, сказаў Папа Францішак пасля малітвы “Анёл Панскі” 14 чэрвеня на плошчы св. Пятра.

Таксама Святы Айцец абвясціў, што 18 чэрвеня будзе апублікавана яго энцыкліка, “прысвечаная клопату пра створаную рэальнасць”. Пантыфік заклікаў усіх прысутных, каб суправаджалі гэтую падзею з асаблівай ўвагай адносна знішчэння навакольнага асяроддзя, але таксама аднаўлення яго на сваіх тэрыторыях. “Энцыкліка скіравана да ўсіх: памолімся аб тым, каб усе змаглі атрымаць яе пасланне і расці ў адказнасці за агульны дому, які Бог даверыў нам”, - сказаў Папа.

Акрамя таго, Пантыфік нагадаў, што 14 чэрвеня адзначаецца Сусветны дзень донараў крыві, мільёнаў людзей, якія моўчкі імкнуцца дапамагчы братам, якія апынуліся ў патрэбе. “Усім донарам жадаю выказаць маю ўдзячнасць і заклікаю, асабліва маладых людзей, прытрымлівацца іх прыкладу”, - сказаў Святы Айцец.  

На заканчэнне Папа запэўніў у сваёй малітве за людзей, зніклых без вестак.

Паводле беларускай рэдакцыі Ватыканскага радыё

(AG)