Нямецкі футбольны клуб “Баварыя” перадаў Папу Францішку чэк на адзін мільён еўра. Святы Айцец сам можа вырашыць, на які дабрачынны праект будзе прызначана гэта сума, паведамілі ў клубе.

Чэк перадаў прэфекту Папскага дома арцыбіскупу Георгу Генсвайну прэзідэнт “Баварыі” Карл-Хайнц Руменінге перад матчам з Рэалам, які прайшоў у Мюнхене 5 жніўня і скончыўся для нямецкай каманды перамогай 1:0.

Арцыбіскуп Генсвайн перадаў прывітанне ад Папы і сардэчнае “аддзяч, Божа” пасля нечаканага падарунка. У інтэрв’ю нямецкай газеце “Tageszeitung” іерарх таксама прызнаўся, што на працягу доўгага часу з’яўляецца заўзятым прыхільнікам “Баварыі”.

У кастрычніку 2014 г. Папа Францішак прыняў спартсменаў і супрацоўнікаў мюнхенскай “Баварыі” на аўдыенцыі ў Ватыкане. Тады госці паабяцалі, што з даходаў ад таварыскіх матчаў перададуць мільён еўра на дабрачыннасць.

Паводле беларускай рэдакцыі Ватыканскага радыё

(AG)