Папа Францішак быў у 2015 г. адной з самых уплывовых фігур у свеце. У штогадовым спісе, складзеным амерыканскім часопісам «Forbes», Пантыфік апынуўся на чацвёртым месцы.

Святы Айцец апярэдзіў сярод іншых старшыню КНР Сі Цзіньпіна, прэм’ер-міністра Вялікабрытаніі Дэвіда Кэмерана, былога кіраўніка «Microsoft» Біла Гейтса і кіраўніка «Google» Лары Пэйджа.

На першым месцы – Прэзідэнт Расіі Уладзімір Пуцін, на другім – Канцлер ФРГ Ангела Меркель, на трэцім – Прэзідэнт ЗША Барак Абама.

На думку аўтараў рэйтынгу, Папа Францішак – «духоўны лідар адной шостай часткі насельніцтва свету – 1,2 млрд душ» – абраў за сваю місію змену «кансерватыўнага вобразу Каталіцкага Касцёла».

«Першы езуіт і лацінаамерыканскі Біскуп Рыма прапагандуе спачуванне да бедных і большую ролю жанчын», - піша «Forbes».

Штогадовы спіс самых уплывовых фігур у свеце сёлета ўключае ў сябе 73 прозвішчы.

Беларуская рэдакцыя Ватыканскага радыё (MV)