Святы Айцец Францішак запрасіў асоб і групы, якія займаюцца дабрачыннай дзейнасцю ў Касцёле, прыняць удзел у духоўных практыкаваннях на Вялікі пост. З такой ініцыятывай, з нагоды Юбілейнага Года, выступіла Папская рада «Cor Unum».

Ватыканскае ведамства прапанавала, каб для рэкалекцый, якія павінны прайсці ў перыяд Вялікага посту, на мясцовым узроўні быў абраны адмысловы дзень, які «стане нагодай для разважання аб пакліканні да міласэрнасці на ўзор Айца».

«Запрашаю прыняць гэтую прапанову, выкарыстоўваючы ўказанні і матэрыялы, падрыхтаваныя Папскай радай "Cor Unum"», — заклікаў Папа 27 студзеня падчас агульнай аўдыенцыі ў Ватыкане.

Папская рада «Cor Unum» прапанавала, каб духоўныя практыкаванні складаліся з трох этапаў: пакутнага набажэнства з магчымасцю споведзі, дзялення з групай сваім досведам жыцця ў служэнні і адносінамі да працы, а таксама святой Імшы.

Матэрыялы па правядзенні рэкалекцыйнага дня былі разасланы ватыканскай дыкастэрыяй ва ўсе дыяцэзіі.

Паводле беларускай рэдакцыі Ватыканскага радыё (MV)