Дзяржаўны Сакратарыят Ватыкана накіраваў ад імя Святога Айца тэлеграму прэзідэнту Турцыі з нагоды крывавага тэрарыстычнага акту ў Анкары, у выніку якога загінула 37 чалавек.

Пантыфік глыбока сумуе па загінулым і параненым з-за выбуху бомбы ў Анкары, гаворыцца ў тэксце.

«Папа Францішак запэўнівае турэцкі народ у сваёй духоўнай блізкасці і салідарнасці. Ён моліцца за вечны супакой для тых, хто загінуў, за аздараўленне тых, каго закрануў гэты подлы акт гвалту, а таксама за тых, хто аплаквае загінулых», — паведамляецца ў тэлеграме.

Святы Айцец таксама благаславіў народ Турцыі і пажадаў яму ацалення, сілы і міру.

Zenit.org (АлГ)